काठमाडौं । भुटानी राजा जिग्मे खेसर नाम्गेल वाङचुकले विश्व सम्पदा सूचीमा सूचीकृत स्वयम्भूनाथको पूजा अर्चनासहित दर्शन गरेका छन् ।

यसअघि स्वयम्भू व्यवस्थापन तथा संरक्षण महासमितिका पदाधिकारीले स्वयम्भूनाथ परिसरमा भुटानी राजालाई स्वागत गरेका थिए । झन्डै आधा घण्टा त्यहाँ रहेका भुटानी राजाले स्वयम्भूनाथ परिसरबाट काठमाडौं उपत्यकाको दृश्यावलोकन गरे ।

यस्तै भुटानी राजा वाङचुकले बाैद्धनाथकाे पनि दर्शन गरेका छन् । भारतबाट स्वदेश फर्कने क्रममा आज बिहान काठमाडौं आइपुगेका भुटानी राजा आजै स्वदेश फर्कने परराष्ट्र मन्त्रालयले जनाएको छ ।