काठमाडौं । फिल्म ‘झिल्को’को प्रदर्शन मिति परिवर्तन भएको छ । फिल्म आगामी बैशाख १९ गतेबाट फिल्म प्रदर्शन हुने बिहीबार पोस्टर सार्वजनिक गर्दै जानकारी गराइएको हो । पोस्टरमा अभिनेत्री वर्षा सिवाकोटी काखमा बच्चा च्यापेर भावुक देखिएकी छन् ।

यसले फिल्ममा उनी आमाको भूमिकामा रहेको बुझाउँछ । केही प्रतिशत छायांकन बाँकी रहेकाले पूर्वघोषित मितिमा फिल्म रिलिज गर्न नसकिएको निर्देशक यादवकुमार भट्टराईले बताए ।मिडिया फर कल्चरको प्रस्तुति रहेको फिल्मको पटकथा तथा संवाद निर्देशक भट्टराईसहित अरूणदेव जोशी र देवव्रतले तयार पारेका हुन् ।

यसका निर्माता सुशीला आचार्य र रामगोपाल थापा हुन् भने कार्यकारी निर्मातामा उमेश पौडेल रहेका छन् । फिल्ममा दीपक बज्राचार्यको छायांकन तथा चण्डीप्रसाद काफ्ले र दीपक शर्माको संगीत छ । निमेश श्रेष्ठले फिल्मलाई सम्पादन गरेका हुन् ।

अभिनेता सुनील पोखरेलको १३ वर्षपछिको कमब्याक रहेको फिल्ममा भोलाराज सापकोटा, विशाल पोखरेल र आयुषी ढकालको पनि अभिनय छ । निर्देशक भट्टराई ‘झिल्को’ बाल मनोविज्ञानमा आधारित पारिवारिक फिल्म रहेको दाबी गर्छन् ।