काठमाडौं । नेकपा एमालेले राष्ट्रियसभामा प्रमुख सचेतकको जिम्मेवारी सांसद गोपाल भट्टराईलाई दिएको छ ।

एमालेले पार्टी विधान–२०७७ र सङ्घीय संसद्का पदाधिकारी तथा सदस्यको पारिश्रमिक र सुविधासम्बन्धी ऐन २०७३ अनुसार भट्टराईलाई प्रमुख सचेतक पदमा आजैदेखि लागू हुने गरी मनोनयन गरेको हो ।

एमाले संसदीय दलका नेता एवम् प्रधानमन्त्री केपी शर्मा ओलीले निकाल्नुभएकाे पत्रमा सत्तापक्षको प्रमुख सचेतक पदमा भट्टराईलाई नियुक्त गरिएको उल्लेख छ । प्रमुख सचेतक भगवती न्यौपाने सङ्घीय मामिला तथा सामान्य प्रशासनमन्त्रीमा नियुक्त भएसँगै प्रमुख सचेतकको पद रिक्त थियो ।