काठमाडौं । प्रधानमन्त्री एवम् नेकपा (एमाले) अध्यक्ष केपी शर्मा ओली र पूर्वराष्ट्रपति विद्यादेवी भण्डारीबीच च्यासलमा भएको भेटवार्ता सकिएको छ ।

उनीहरूबीच आइतबार अपराह्न करिब डेढ घन्टा कुराकानी भएको हाे ।

भेटवार्तापछि पूर्वराष्ट्रपति भण्डारीले च्यासल परिसरमा पत्रकारहरूसँग समसामयिक राजनीतिक घटनाक्रमबारे कुराकानी भएको बताइन् । ‘राष्ट्रिय राजनीतिको विषयमा कुराकानी भयाे,’ उनले भनिन् ।

उनलाई पत्रकारहरूले एमालेको सदस्यता नवीकरणको विषय सोधेका थिए । जबाफमा उनले ‘सदस्यताको विषय पुरानै हो, नवीकरण भइसक्यो’ भनेकी छन् । आज सदस्यता नवीकरणको विषयमा कुराकानी नभएकाे उनले बताइन् ।