काठमाडौं । किष्ट बैंकका तत्कालीन प्रबन्ध सञ्चालक कमल ज्ञवाली जेलबाट छुटेका छन् । ०७५ असोजदेखि कारागारमा रहेका ज्ञवाली हिजो (सोमबार) कारागार कार्यालय डिल्लीबजारबाट थुनामुक्त भएका हुन् ।

गुल्मीको थानापति घर भएर ललितपुर उपमहानगरपालिका–५ बस्दै आएका ज्ञवालीलाई अदालतले किर्ते, जालसाजी र बैकिङ कसुरसहित ४ वटाभन्दा बढी मुद्दामा दोषी ठहर गर्दै जेल सजाय हुने फैसला गरेको थियो ।

सर्वोच्च अदालतको पत्र आदेश अनुसार उनलाई थुनामुक्त गरिएको कारागारले जनाएको छ ।