काठमाडौँ । कर्मचारीलाई प्रत्येक १५ दिनको अन्तरालमा तलब तथा भत्ता उपलब्ध गराउने व्यवस्था लागू गर्न महालेखा नियन्त्रक कार्यालयले देशभरका कोष तथा लेखा नियन्त्रक कार्यालयलाई निर्देशन दिएको छ।

अर्थमन्त्रीस्तरबाट गत वैशाख ४ गते जारी नीतिगत मार्गदर्शन अनुसार अर्धमासिक रूपमा भुक्तानी गर्ने प्रणाली कार्यान्वयनमा ल्याउन पत्राचार गरिएको हो। यसअनुसार प्रत्येक महिनाको मध्यावधि पुगेपछि तलब भुक्तानी गर्ने व्यवस्था गरिनेछ।

उपमहालेखा नियन्त्रक कृष्णबहादुर अधिकारीद्वारा हस्ताक्षरित निर्देशन पत्रमा आवश्यक बजेट स्वीकृति प्राप्त भइसकेको र अर्धमासिक भुक्तानीका लागि प्राविधिक तयारी पूरा गरिएको उल्लेख गरिएको छ।

हालका लागि यो व्यवस्था संघीय सरकारी कर्मचारीमा परीक्षणका रूपमा लागू गरिने बताइएको छ।