काठमाडौँ । टर्किको इस्तानबुलबाट आएको टर्किस एयरलाइन्सको जहाज त्रिभुवन अन्तर्राष्ट्रिय विमानस्थलमा अवतरण गर्ने क्रममा चक्कामा आगो लागेको छ ।

इस्तानबुलबाट सोमबार बिहान काठमाडौँ आएको टीके७२६ कल साइनको विमानमा ल्याण्ड हुँदा सो घटना भएको हो । घटना लगत्तै दमकल पुगेर आगोलाई नियन्त्रणमा लिइएको थियो । विमानमा आगो लागेपछि त्रिभुवन अन्तर्राष्ट्रिय विमानस्थल बन्द गरिएको छ ।

विमानमा २७८ जना यात्रु र ११ जना चालक दलका सदस्यसहित राष्ट्र संघका कूटनीतिज्ञहरूसमेत रहेको थियो।