काठमाडौँ। ब्राजिल र मोरक्को जारी फिफा विश्वकप फुटबलमा बराबरी खेलेका छन् । समूह सी अन्तर्गत आइतबार बिहान सम्पन्न खेलमा ब्राजिल र मोरक्को १/१ गोलको बराबरीमा रोकिएको हो। खेलमा मोरक्कोका लागि इस्माइल सैबारीले गोल गरेका थिए भने ब्राजिलका लागि भिनिसियस जुनियरले बराबरी गोल फर्काएका थिए ।

खेलको २१औँ मिनेटमा सैबारीले गोल गर्दै मोरक्कोलाई सुरुवाती अग्रता दिलाएका थिए भने खेलको ३२औँ मिनेटमा भिनिसियसले गोल गर्दै बराबरी गरेका थिए । यो बराबरीपछि दुवैले एक एक अंक बाँडेका छन् ।

अब विश्वकप अन्तर्गत ब्राजिलले जुन २० मा हैटीविरुद्ध खेल्ने छ भने जुन २५ मा स्कटल्याण्डविरुद्ध खेल्ने छ । त्यस्तै मोरक्कोले जुन २० मा स्कटल्याण्डसँग र जुन २५ मा हैटीसँग खेल्ने तालिका छ ।