फिफाले फाइनल खेलका लागि सामान्य टिकटहरू पनि ३२ हजार ९७० डलरसम्ममा बिक्री गरिरहेको छ, जुन नेपाली रूपैयाँमा ५० लाख २६ हजार भन्दा बढी हुन जान्छ । 

उसले फाइनल खेलका लागि खाना र पेय पदार्थसहितका टिकटहरूको मूल्य ३४ हजार ५०० अमेरिकी डलर तोकि दिएको हो ।

फिफाले हालै न्यु जर्सीको ईस्ट रदरफोर्डस्थित मेटलाइफ स्टेडियममा जुलाई १९ मा हुने विश्वकपको फाइनल खेलका लागि ‘क्याटेगोरी २’ का करिब १ हजार २०० टिकटहरू सार्वजनिक गरेको छ। यी टिकटहरूको मूल्य प्रतिटिकट ७ हजार ३८० अमेरिकी डलर तोकिएको छ।

हालसम्म फिफाको अन्तिम समयको टिकट बिक्री सम्बन्धी वेबसाइटमा यस खेलका टिकटहरू ‘बिक्री भइसकेको’ देखाइएको थियो। यद्यपि, कुल १ हजार ७८ सिटहरू उपलब्ध थिए,  ती सिटहरू रंगशालाको माथिल्लो तहका पाँचवटा खण्डमा रहेका थिए।

फिफाले तल्लो तह क्याटगोरी २ को टिकट भने १९ हजार ९९५ देखि ३२ हजार ९७० डलरसम्म मूल्य पर्ने ६८ वटा प्रिमियम (क्याटेगोरी १) का टिकटहरू पनि बिक्री गरिरहेको छ ।

यसका साथै, क्रमशः ३४ हजार ५०० र ३२ हजार ५०० अमेरिकी डलर मूल्य पर्ने  ‘ट्रफी लाउन्ज’ र ‘ट्रफी लाउन्ज प्लस हस्पिटालिटी’ प्याकेजका टिकटहरू पनि उपलब्ध थिए, यी प्याकेजहरूमा खाना र पेय पदार्थ समावेश छन्। अर्थात ५२ लाख ५९ हजार भन्दा बढी नेपाली रूपैयाँ मुल्यका ती टिकटहरू  रहेका छन । 

विश्व फुटबलको सर्वोच्च निकायले बिक्रीका लागि थप टिकटहरू कसरी अचानक उपलब्ध भए भन्नेबारे स्पष्ट पारेको छैन। यस सम्बन्धमा सोधिएको प्रश्नको फिफाले तत्काल कुनै प्रतिक्रिया दिएको छैन  ।