काठमाडौं। पूर्वप्रधानन्यायाधीश चोलेन्द्र शमशेर जबरा पक्राउ परेका छन्। उनलाई आज बिहान काठमाडौं उपत्यका अपराध अनुसन्धान कार्यालयको टोलीले निवासबाटै नियन्त्रणमा लिएको हो।

कार्यालयले जबराको पक्राउको पुष्टि गरे पनि उनलाई कुन अभियोग वा प्रकरणमा हिरासतमा लिइएको हो भन्ने विषयमा आधिकारिक जानकारी दिइसकेको छैन। प्रहरीले यसबारे अनुसन्धान भइरहेको र छिटै थप विवरण सार्वजनिक गरिने जनाएको छ।

२०७५ पुस १७ गते सर्वोच्च अदालतको प्रधानन्यायाधीश बनेका जबराविरुद्ध २०७८ फागुन १ गते प्रतिनिधि सभामा महाभियोग दर्ता भएको थियो। महाभियोग दर्ता भएपछि उनी निलम्बनमा परेका थिए।