काठमाडाैं । नेपाली कांग्रेसका सभापति शेरबहादुर देउवा डडेल्धुराबाट प्रतिनिधि सभा सदस्यकालागि उम्मेदवार बनेका छन् । डडेल्धुराबाट देउवाको सातौपटकको उम्मेदवारी हो।

कांग्रेस वरिष्ठ नेता रामचन्द्र पौडेलले तनहुँ १ बाट उम्मेदवारी दिएका छन् । कांग्रेस उपसभापति पूर्णबहादुर खड्का सुर्खेत १ बाट उम्मेदवार बनेका छन् भने अर्का उपसभापति धनराज गुरुङ स्याङ्जा २ बाट उम्मेदवार बनेका छन् ।

महामन्त्री गगन थापा काठमाडौं ४ बाट उम्मेदवार बनेका छन् । यता अर्का महामन्त्री विश्वप्रकाश शर्मा झापा १ बाट उम्मेदवार बनेका छन् । कांग्रेस सहमहामन्त्री बद्री पाण्डे बाजुराबाट उम्मेदवार बनेका छन् । सहमहामन्त्री उमाकान्त चौधरी बारा १ बाट उम्मेदवार बनेका छन् । सहमहामन्त्री महालक्ष्मी उपाध्याय डिना मकवानपुर १ बाट उम्मेदवार बनेकी छिन् । अर्का सहमहामन्त्री भीष्मराज आङ्दम्बे पाँचथरबाट चुनावी मैदानमा उम्मेदवार बनेका छन् । अर्का सहमहामन्त्री किशोरसिंह राठौर बाँके ३ बाट उम्मेदवार बनेका छन् । अर्का सहमहामन्त्री महेन्द्र यादव धनुषा ४ बाट चुनावी मैदानमा छन् । कांग्रेसका अर्का सहमहामन्त्री फरमुल्लाह मन्सुर, जीवन परियार समानुपातिक उम्मेदवार छन् । कांग्रेस प्रवक्ता डा. प्रकाशशरण महत पनि समानुपातिक उम्मेदवार छन् ।