पाल्पा । नेकपा एमालेका उपमहासचिव प्रदीप ज्ञवालीले एमालेका उम्मेदवार नै राष्ट्रपति बन्ने बताएका छन् । शनिबार पाल्पाको तानसेनमा पत्रकारसँग उनले यस्तो बताएका हुन् । सत्ता गठबन्धन दलबीच भएको सहमति अनुसार नै राष्ट्रपति एमालेले पाउने उनले बताए ।

ज्ञवालीले राष्ट्रपति कांग्रेसले कुनै हालतमा नपाउने ठोकुवा गरे । धमिलो खोलामा माछा मार्न खोजेजस्तै कांग्रेसले राष्ट्रपति लिने दाउमा रहेको उनले आरोप लगाए ।

जसरी पनि सत्ता पुग्नका लागि मरिहत्ते गर्ने र राज्यको दोहन गर्नेबाहेक मुलुक बनाउने भिजन कांग्रेसमा नभएको ज्ञवालीले बताएका छन् ।