काठमाडौं । सशस्त्र प्रहरीमा ४ जना प्रहरी नायब महानिरीक्षक पद (डिआईजी) मा बढुवा सिफारिसमा भएका छन् । बढुवा सिफारिस हुनेहरुमा सुरेशकुमार श्रेष्ठ, अन्जनीकुमार पोखरेल, दीपेन्द्र शाह र पुरुषोत्तम थापा रहेका छन् ।

सशस्त्र प्रहरी नियमावली, २०७२ को नियम ३९ को उपनियम (१) को (ख) बमोजिम बढुवा समितिले हिजो बुधबार प्रहरी वरिष्ठ उपरीक्षकलाई प्रहरी नायव महानिरीक्षक पदमा बढुवा सिफारिस गरेको हो ।