काठमाडौं । प्रधानमन्त्री थ्री नेसन्स कपको दोस्रो खेलमा नेपालले अहिले भुटानसँग प्रतिस्पर्धा गरिरहेको छ ।

त्रिपुरेश्वरस्थित दशरथ रंगशालामा जारी खेलमा भुटानले १-० गोलको अग्रता बनाएको छ ।

तेन्जिन नोर्बुले गोल गर्दै भुटानलाई अग्रता दिलाएका हुन् ।

खेलमा नेपालले गोल गर्ने केही मौका पाए पनि त्यसलाई सदुपयोग गर्न सकेन । प्रशिक्षक अल्बर्टो एनेसले लाओससँग खेलेको टोलीमा १ परिवर्तन गर्दै भरत खवासको ठाउँमा अञ्जनलाई स्टार्टिङ लाइन अपमै मैदान उतारेका छन् ।

यसअघि लाओससँगको खेल नेपालले २–० ले जितेको थियो । भुटान भने लाओससँग २–१ ले पराजित भएको थियो ।

भुटानसँगको खेलमा बराबरी भए पनि नेपाल फाइनलमा पुग्ने छ । भुटानलाई भने फाइनलमा पुग्नका लागि नेपालसँगको खेल २ गोल भन्दा बढीको अन्तरले जित्नु पर्ने छ ।