काठमाडौं । काठमाडौं महानगरपालिकाका मेयर बालेन्द्र शाह (बालेन) विरुद्धको रिट कामु प्रधानन्यायाधीश हरिकृष्ण कार्कीको इजलासमा परेको छ ।

प्रमुख प्रशासनिक निकाय सिंहदरबार, प्रधानमन्त्रीको सरकारी निवास र राष्ट्रपतिको कार्यालय शीतलनिवासको फोहोर नउठाउने मेयर बालेनको घोषणा गैरकानुनी भएको भन्दै अधिवक्ता पदमबहादुर श्रेष्ठले सोमबार रिट दायर गरेका थिए ।

उक्त रिटमाथिको सुनुवाइ आज कामु प्रधानन्यायाधीश कार्कीको इजलासमा परेको हो । रिटमा प्रधानमन्त्री तथा मन्त्रिपरिषद्को कार्यालयलाई समेत विपक्षी बनाइएको छ ।