काठमाडौं । एसीसी प्रिमियर कप क्रिकेटमा बिहीबार नेपालले कतारको सामना गर्ने भएकाे छ ।

कीर्तिपुरस्थित टियु क्रिकेट मैदानमा बिहीबार बिहान ९ बजेदेखि खेल सुरु हुने भएकाे हाे । याे खेल जित्दै नेपाल समूह विजेता बन्न चाहन्छ । जारी प्रतियोगितामा सुरुवाती दुई खेल जितेको नेपाल तेस्रो खेल भने वर्षाको कारण रद्द भएपछि साउदी अरबियासँग अंक बाँड्न बाध्य भएको थियो ।

यो समूहबाट नेपालसँगै ओमान सेमिफाइनलमा पुगिसकेको छ । ४ खेलबाट ओमानको ६ अंक भएको छ भने ३ खेलबाट नेपालको ५ अंक रहेकाे छ । बिहीबार नै मुलपानीकाे ख मैदानमा हुने खेलमा हङकङ र कुवेत भिड्ने भएका छन् । यो समूहमा ४ खेलबाट ६ अंक जोड्दै युएई सेमिफाइनलमा पुगिसकेको छ ।

हङकङ र कुवेतबीचको बिहीबारको खेल विजेताले पनि सेमिफाइनलमा स्थान बनाउनेछ ।