इटहरी । इटहरी उपमहानगरपालिकाको मुख्य चोकमा टिपरको ठक्करबाट एक महिलाको मृत्यु भएको छ । बच्चासहित स्कुटीमा सवार पहिचान नखुलेकी ती महिलाको घटनास्थलमै मृत्यु भएको हो ।

महिलासँगै स्कुटीमा सवार बालिका भने घाइते भएकी छिन् । ती बालिका मृतक महिलाको छोरी रहेको प्रहरीको अनुमान छ ।

यता, दुर्घटनाको विषयमा स्थानीय र प्रहरीबीच झडप भएको छ । चलाक र सवारीसाधनको सुरक्षामा आएका प्रहरीलाई आक्रोसित सर्वसाधरणले ढुङ्गा प्रहार गरेका हुन् ।

आक्रोशित भिडले पूर्वपश्चिम राजमार्ग अवरूद्ध पारेर ढुङ्गामुडा गर्न थालेपछि प्रहरीले स्थिति नियन्त्रणमा लिन अश्रुग्यास प्रहार गर्नुका साथै लाठी चार्जसमेत गरेको छ । थप विवरण आउन बाँकी छ ।