मेरिल्यान्ड संसदमा नेपाली चाड बडादशैं विधेयक दर्ता

मेरिल्यान्ड संसदमा नेपाली चाड बडादशैं विधेयक दर्ता



मेरिल्यान्ड । मेरिल्यान्डको संसदमा नेपाली चाड बडादशैं विधेयक औपचारिक रुपमा दर्ता भएको छ । नेपाली मुलका राज्य सांसद हेरी भण्डारीले उक्त विधेयक संसदमा दर्ता गराएका हुन् । नेपालबाट परापूर्वक कालदेखि सुरु भइ धेरैजसो दक्षिण एसियाली देशहरू र उनीहरूको डायस्पोरामा मनाइने यो चाडलाई औपचारिक मान्यताका लागि संसदमा प्रस्तुत गरेको भण्डारीले बताएका छन् ।

सांसद भण्डारीका अनुसार विधेयकको प्रस्तावनामै ‘बसुधैव कुटूम्बकम’को भावनाबाट अभिप्रेरित यो चाड असत्यमाथि सत्यको जीत हुँदा उत्सवका रूपमा मनाइने विधेयकमा उल्लेख छ । हरेक वर्ष अक्टोबर ५ लाई दशै दिवशका रूपमा मान्यता दिइयोस् भनेर प्रस्तुत गरिएको यो विधेयक अब कानून बन्ने विधायिकी प्रक्रियामा प्रवेश गरेको छ भण्डारीले भनाइ छ ।

विधेयक दर्तापछि भण्डारीले भने– ‘यो विधेयकलाई ऐन बनाउने तार्किक निस्कर्षमा पुर्याउन सहज छैन तर असम्भव पनि छैन । सपना देखिएको छ र प्रयास भएको छ, प्रयत्न जारी रहने छ।’ ‘विविधता नै सुन्दरता मानिने यो देशले कुनै दिन दशैंले अवश्य पनि मान्यता पाउँने नै छ ।

यस अभियानको प्रारम्भकर्ता भएकाले यसलाई तार्किक निस्कर्षमा पुर्याउन मेरो प्रयत्न सदैव रहनेछ, भण्डारीले भने, ‘संसदमा यो कसरी अगाडि बढ्छ, त्यसका बारेमा समय समयमा जानकारी उपलव्ध गराउने नै छु ।’

मतदान गर्न

बाँकी