काठमाडौं । गत बैशाख ३० गते भएको स्थानीय तहको निर्वाचनको मतपरिणाम आउनेक्रम अन्तिम चरणमा पुगेको छ ।
७ सय ५३ स्थानीय तहमध्ये ७ सय ४९ तहको मतपरिणाम आएको छ । अब काठमाडौँ महानगरपालिकासहित ४ वटा पालिकाको मतपरिणाम आउन बाँकी छ । काठमाडौँ महानगरपालिकामा स्वतन्त्र उम्मेद्वार बालेन साहले जीत सुनिश्चित गरेका छन् । बालेनले अहिलेसम्म ५५ हजार ७ सय ७७ मत प्राप्त गर्दा नेपाली काँग्रेसका सिर्जना श्रेष्ठले ३५ हजार ३ सय ७१ मत ल्याएर पछ्याइरहेकी छिन् ।

ललितपुर महानगरपालिकामा नेपाली काँग्रेसका चिरीबाबु महर्जन, पोखरामा नेपाल एकीकृत समाजवादीका धनराज आचार्य, भरतपुरमा नेकपा माओवादी केन्द्रका रेनु दाहाल, वीरगन्जमा जनता समाजवादी पार्टीका राजेशमान सिंह र विराटनगर महानगरपालिकामा नेपाली काँग्रेसका नागेश कोइराला निर्वाचित भइसकेका छन् ।