एमाले सचिवालय बैठक आज बस्दै, समानुपातिक सांसदको नाम टुंगो लगाउने

एमाले सचिवालय बैठक आज बस्दै, समानुपातिक सांसदको नाम टुंगो लगाउने


ग्लोब नेपाल
173.6k
Shares

काठमाडौँ । नेकपा एमालेको सचिवालय बैठक आज बस्दैछ । बैठक शुक्रबार दिउँसो १ बजे बस्न लागेको उपमहासचिव तथा प्रचार विभाग प्रमुख पृथ्वी सुब्बा गुरुङले जानकारी दिए।

निर्वाचन आयोगले समानुपातिक सांसदका लागि राजनीतिक दलहरुलाई पत्र पठाएसँगै एमालेले सचिवालय बैठक बोलाएर समानुपातिक सांसदको निर्णय गर्न लागेको हो। एमालेले समानुपातिकतर्फ पाएको मतका आधारमा ३४ सांसद निर्वाचित हुने छन्।

निर्वाचन आयोगले ३ दिनको समय दिएर बन्द सूचीमा रहेका नामहरू मध्येबाट क्लस्टर मिलाएर पार्टीले प्राप्त गरेको सिटमा नाम पठाउन पत्र पठाएको हो । आयोगको पत्रअनुसार समानुपातिक सूचीमा राखेका ११० नाम मध्येबाट ५ क्लस्टरमा नामहरू छुट्याएर पार्टीको निर्णयसहित निर्वाचन आयोगलाई पठाउनुपर्नेछ।