काठमाडौं । नेकपा माओवादी केन्द्रले विभिन्न वाम दलरूसँगको एकताका लागि आजदेखि छलफल गर्ने भएको छ । वाम एकताको लागि गठन भएको पाँच सदस्यीय वार्ता टोलीले आजदेखि छलफल गर्ने टोलीका एक सदस्यले बताएका छन् ।

उनका अनुसार समितिले वामपन्थी दलहरूसँग एकताको लागि प्रयास गर्नेछ । एकता नभए वाम मोर्चा बनाउने उनको भनाइ छ । माओवादीले उपाध्यक्ष कृष्णबहादुर महराको नेतृत्वमा पाँच सदस्यीय टोली गठन गरेको हो । हिजो बिहान मात्रै पनि एकताका बारेमा माओवादी केन्द्रका अध्यक्ष पुष्पकमल दाहाल प्रचण्ड र नेपाल समाजवादी पार्टीका अध्यक्ष डा. बाबुराम भट्टराईबीच बालुवाटारमा छलफल भएको थियो ।