काठमाडौं । प्रधानमन्त्री पुष्पकमल दाहाल प्रचण्ड नेपाली कांग्रेसका सभापति शेरबहादुर देउवालाई भेट्न धुम्बाराही पुगेका छन् । मंगलबार प्रतिनिधिसभा सदस्यको बैठकमा विश्वासको मत लिनुअघि प्रधानमन्त्री प्रचण्डले देउवालाई भेटलाई महत्वपूर्ण रुपमा लिइएको छ । स्रोतका अनुसार प्रचण्डले देउवासँग आफूलाई विश्वासको मत दिन आग्रह गरेका छन् ।

प्रधानमन्त्रीले विश्वासको मत लिने प्रयोजनका लागि मंगलबार बिहान ११ बजे प्रतिनिधिसभाको बैठक तय भएको छ । त्यसअघि बिहान ९ बजे संसद् भवनको ल्होत्से हलमा कांग्रेस संसदीय दलको बैठक बस्दैछ ।