काठमाडौं । राष्ट्रपति रामचन्द्र पौडेल बिरामी भएपछि पहिलो पटक सार्वजनिक कार्यक्रममा उपस्थित भएका छन् । सरकारको आर्थिक वर्ष २०८०/०८१ को वार्षिक नीति तथा कार्यक्रमलाई सम्बोधन गर्न पौडेल शुक्रबार ससद् भवन नयाँ बानेश्वरमा पुगेका हुन् ।

उनले अहिले नीति तथा कार्यक्रम संसदमा प्रस्तुत गरिरहेका छन् ।

पेटसम्बन्धी रोगको उपचार भारतमा गराएर गत वैशाख १८ गते राष्ट्रपति पौडेल स्वदेश फर्किएका हुन् । उनलाई चिकित्सकहरूले ३ साता आइसोलेसनमा आराम गर्न सुझाव दिएका थिए । सुरक्षाकर्मीहरूको सहयोगमा उनी संसद्को रोस्ट्रममा पुगेका थिए ।