सल्यान । सल्यानको शारदा नगरपालिकामा एक महिलाको हत्या भएको छ । आइतबार बिहान घाँस काट्न गएकी शारदा नगरपालिका-१४, ढारखानीकी ४७ वर्षीया उर्मिला गिरीको मकैबारीमा हत्या भएको हो ।

मकैबारीमा हत्या गरिएको अवस्थामा उर्मिलाको शव भेटिएको जिल्ला प्रहरी कार्यालय सल्यानका निमित्त प्रमुख प्रहरी निरीक्षक सन्तोष खनालले जानकारी दिए ।

खनालका अनुसार गिरीको घाँटी रेटिएको अवस्थामा शव फेला परेको छ । ‘म अहिले घटनास्थलमै छु, यसबारे थप अनुसन्धान सुरु गरिएको छ,’ खनालले भने ।

प्रहरीले अनुसन्धानका लागि तालिमप्राप्त कुकुरसमेत घटनास्थलमा ल्याउने तयारी गरेको छ ।