संखुवासभा । नेपाली कांग्रेसका पूर्व केन्द्रीय सदस्य बाबुराम बस्नेतले पार्टी हितमा लेख्न र बोल्न कांग्रेस नेता बस्नेतको निर्देशन दिएका छन । नेपाली कांग्रेसले देशव्यापी सञ्चालन गरेको आन्तरिक विशेष अभियानमा संखुवासभा पुगेका बस्नेतले पार्टी हितमा लेख्न र बोल्न नेता तथा कार्यकर्तालाई निर्देशन दिएका हुन ।

केन्द्रीय प्रतिनिधि बस्नेतले नेपाली कांग्रेसका तर्फबाट निर्वाचित जनप्रतिनिधिलाई पार्टीको नीति र संकल्प पत्रमा आधारित भएर कार्य गर्नसमेत निर्देशन दिए । केन्द्रीय प्रतिनिधि बस्नेतले सबै तहका बैठक र सम्मेलन गर्न र तहगत वार्षिक कार्यतालिका बनाएर अघि बढेन समेत निर्देशन दिए ।

नेपाली कांग्रेसका जिल्ला सभापति एवं प्रतिनिधिसभा सदस्य दीपक खड्काले नेता, कार्यकर्ता र शुभचिन्तकहरुको एकिकृत प्रयासबाट संखुवासभामा नेपाली कांग्रेस पहिलो पार्टी बनेको बताए । संखुवासभा कांग्रेसले विधानको मार्गनिर्देशन र केन्द्रले दिएका सबै गाइडलाइन पुरा गरेर अघि बढेको सभापति खड्काले बताए । संखुवाससभाको विकास निर्माण र जनजीविकाका विषयमा समेत कांग्रेसले प्रभावकारी भूमिका खेलेको बताए ।

नेपाली कांग्रेस जिल्ला कार्यसमितिको बैठकमा जिल्ला कार्यसमितिका सचिव कुमारबाबु अधिकारीले सांगठानिक प्रतिवेदन पेश गरेका थिए ।