काठमाडौं । ललितपुर जिल्ला प्रशासन कार्यालयमा निर्माण व्यवसायीहरुले धर्ना दिएका छन् । तेस्रो चरणको विरोध कार्यक्रमअन्तर्गत आइतबार सिँचाइ विभागमा धर्ना दिन पुगेका व्यवसायीमाथि प्रहरी धरपक्कड गरेको थियो । त्यसको विरोधस्वरुप व्यवसायीले ललितपुर जिल्ला प्रशासन कार्यालयमा धर्ना दिएका हुन् ।

नेपाल निर्माण व्यवसायी महासंघ चरणबद्ध आन्दोलनमा छ । व्यवसायीको आन्दोलन आज आइतबारबाट तेस्रो चरणमा प्रवेश गरेको छ । भुक्तानी समस्या, मूल्य समायोजन र म्याद थपलगायतका ९ बुँदे मागसहित व्यवसायी दुई सातादेखि आन्दोलनमा छ ।