काठमाडौं । मञ्जिल युकेले आयोजना गरेको टिकटक गट ट्यालेन्ट सिजन–६ मा नृत्यतर्फका शिवदास गुरुङ विजयी भएका छन् । उनलाई नगद १ लाख रुपैयासहित ट्रफी, मेडल र प्रमाणपत्र प्रदान गरिएको थियो । गुरुङलाई पूर्व प्रधानमन्त्री झलनाथ खनालले उक्त पुरस्कार प्रदान गरेका हुन् ।

अन्य ४ विधामा नेपाली भाषातर्फ विवेस मोते, साहित्यतर्फ प्रेम मगर, अन्तराष्ट्रिय भाषातर्फ दिप्ती उप्रेती र संगीत तर्फ विकेस लामा विजयी भए । उनीहरुलाई २५-२५ हजार नगद, मेडल, ट्रफी र प्रमाणपत्र प्रदान गरिएको थियो । त्यसैगरी भिर्वस छनौटमा चन्द्रकला राईले नगद आठ हजार र प्रमाणपत्र, लक्की ड्रबाट छानिएका तीन जनालाई ५-५ हजार नगद र उत्कृष्ट भिर्वस एक जनालाई पाँच हजार नगद प्रदान गरिएको आयोजकले जनाएको छ ।

त्यसैगरी बरिष्ठ साहित्यकार डा. रेणु सोलु, सफल व्यवसायी एवं उद्योगपति प्रकाशसिंह कार्की, हिमालय टिभीका प्रधान सम्पादक राजेन्द्र बाँनिया र पत्रकार बिक्रम श्रेष्ठलाई सम्मान गरिएको मञ्जिल युकेले जनाएको छ ।