काठमाडौं । राष्ट्रपति रामचन्द्र पौडेलले आउँदो मंसिर ५ देखि ९ गतेसम्म काठमाडौं आयोजना हुने इन्टरनेशनल फिड्रेशन एसिया एण्ड वेस्टन प्यासिफिक कन्ट्रयाक्टर एसोसिएसन (इफाप्का) सम्मेलनको उद्घाटन गर्ने भएका छन् । इफाप्का एशियाली तथा पश्चिम प्रशान्त क्षेत्रका १८ मुलुकका निर्माण व्यवसायीहरूको छाता संस्था हो ।

नेपाल निर्माण व्यवसायी महासंघका अध्यक्ष तथा इफाप्काको अध्यक्षसमेत रहेका रवि सिंहले आज शुक्रबार राष्ट्रपति पौडेललाई भेटेर उद्घाटन गर्न निम्तो दिएका थिए । राष्ट्रपति कार्यालयबाट सकरात्मक जवाफ आएको निर्माण व्यवसायी महासंघले जनाएको छ ।