काठमाडौं । नेपाल टी-२० विश्वकप क्रिकेटमा छनोट भएपछि पाकिस्तानी क्रिकेटर मोहम्मद रिजवानले बधाई दिएका छन् । उनले सामाजिक सञ्जालमा बधाई दिँदै विश्वकपमा भेटौँला भनेका छन् । उनले नेपाल विश्वकपका लागि योग्य टिम भएको बताएका छन् ।

शुक्रबार विश्वकप एसिया छनोटको सेमिफाइनलमा यूएईलाई पराजित गर्दै नेपाल अमेरिका र वेस्ट इन्डिजमा हुने विश्वकपमा छनोट भएको हाे ।

रिजवान नेपाली क्रिकेट र क्रिकेटरलाई माया गर्ने पाकिस्तानी खेलाडी हुन् । नेपाल एसिया कप खेल्न पाकिस्तान जाँदा उनले नेपाली खेलाडीहरुलाई होटलमै गएर भेटेका थिए । उनी सन्दीप लामिछाने थुनामुक्त भएपछि उनलाई भेट्न नेपालसम्मै आएका थिए ।