काठमाडौं । नेपाल सुपर लिग (एनएसएल) मा झापा फुटबल क्लबले पहिलो जित निकालेको छ ।

मंगलबार त्रिपुरेश्वरस्थित दशरथ रंगशालामा भएको खेलमा झापाले बुटवल लुम्बिनी फुटब क्लबलाई १–० गोलले हरायो । झापाले खेलको पहिलो हाफमा गरेको गोल नै निर्णायक भयो । झापाका जोर्गे पेरेज सान्चेजले खेलको ३८ औँ मिनेटमा गोल गरेका थिए ।

जितसँगै झापा पाँच खेलमा छ अङ्कका साथ तालिकाको छैटाैँ स्थानमा उक्लिएको छ । झापाले यसअघिका चार खेलमा एकमा हार र तीनमा बराबरी खेलेको थियो । झापासँगको हार बेहोर्दा बुटवलले भने तालिकाको शीर्ष स्थानमा उक्लिने अवसर गुमाएको छ । लिग तेस्रो हार बेहोरेको बुटवल सात अंकसहित तालिकाको पाँचौ स्थानमा छ ।