काठमाडौं । नेपाल सुपर लिग (एनएसएल) फुटबल अन्तर्गत ललितपुर सिटी फुटबल क्लब र झापा फुटबल क्लबले बराबरी खेलेका छन् ।

काठमाडौंको दशरथ रंगशालामा गोल गर्न पाएका मौका सदुपयोग गर्न नसक्दा ललितपुर र झापाले अंक बाँडेका हुन् । यो एनएसएलको ५०औं खेल हो ।

आजको खेलमा बराबरी भएसँगै ललितपुर ६ खेलमा ११ अंकका साथ दोस्रो स्थानमा छ ।

यता झापा ६ खेलमा ७ अंक जोड्दै पाँचौ स्थानमा छ । दुवै टोलीले लिगमा यो चौथो पटक बराबरी खेलेका हुन् ।

शनिबार एनएसएल अन्तर्गत दशरथ रंगशालामा दुई खेल हुनेछन् ।