काठमाडौं । नेपाल त्रिकोणात्मक टी-२० आई सिरिजको फाइनलमा पपुवा न्युगिनीसँग ८६ रनको फराकिलो अन्तरले पराजित भएको छ ।

जितको लागि १७२ रनको लक्ष्य पछ्याएको नेपाल १६.३ ओभरमा ८५ रनमा अल आउट भयो । नेपालका कुनै पनि ब्याटरले राम्रो प्रदर्शन गर्न सकेनन् ।

नेपालका कुनै पनि ब्याटर पपुवा न्युगिनीको बलिङ आक्रमण अगाडि टिक्न सकेनन् । नेपालका लागि सन्दिप जोराले सर्वाधिक १७ रन बनाए भने आरिफ शेख १५ र कप्तान रोहित पौडेल १२ रनमा आउट भए । अन्य ब्याटरले दोहोरो अंकमा रन बनाउन सकेनन् ।

त्यसअघि पपुवा न्युगिनीका लागि टोनी उराले ६१ रन बनाएपछि उसले बलियो लक्ष्य दिएको थियो । प्रतियोगितामा नेपालले पपुवा न्युगिनीलाई हराएको थियो भने हङकङसँगको खेल वर्षाका कारण रद्द भएको थियो ।

नेपाल अब स्वेदश फर्किनेछ । यसपछि नेपालले भारतमा त्यहाँ दुई राज्य टिमसँग त्रिकोणीय फ्रेन्डसिप कप क्रिकेट खेल्नेछ ।

त्रिकोणात्मक टी-२० आई सिरिजमा भने नेपाल र हङकङबीचको खेल वर्षाको कारण रद्द भएको थियो ।

नेपालले पपुवा न्युगिनीलाई ८५ रनले हराउँदै फाइनलमा पुगेको थियो ।

नेपालले अब दुई सातापछि घरेलु मैदानमा आयरल्यान्ड ए सँग दुई टी-२० खेल खेल्नेछ । त्यसपछि गुजरात र बरोडासँग त्रिकोणात्मक टी-२० आई सिरिज खेल्न भारत जानेछ ।