काठमाडौँ । महिला एशिया कप टी–२० क्रिकेट प्रतियोगितामा आज समूह ‘बी’ का दुई वटा खेल हुँदैछन् ।

दिउँसो पौने ३ बजे हुने पहिलो खेलमा श्रीलंका र मलेसियाबीच प्रतिस्पर्धा हुने छ । श्रीलंका दुई अंकका साथ समूहको दोस्रो स्थानमा र पहिलो खेल हारेको मलेसिया अंकविहीन हुँदै पुछारमा छ ।

यस्तै आजै बेलुका सवा ७ बजे थाइल्यान्ड र बंगलादेश खेल्दैछन् । पहिलो खेल जितेको थाइल्यान्ड दुई अंकका साथ रन रेटका आधारमा पहिलो स्थानमा छ । पहिलो खेल हारेको बंगलादेश तेस्रो स्थानमा छ ।

प्रतियोगिताअन्तर्गत हिजो भएको खेलमा नेपाल पाकिस्तानसँग नाै विकेटले पराजित भएको छ । हिजै भएको पहिले खेलमा भारतले यूएइलाई ७८ रनले हरायो ।