काठमाडौं । नेपाली कांग्रेसले ३७ वटा विभाग प्रमुख तोकेको छ । कांग्रेस सभापति शेरबहादुर देउवाले पार्टीको विधान २०१७ (संशोधनसहित)को धारा ३७ (१) (ग) बमोजिम विभाग प्रमुख तोकेको मुख्यसचिव कृष्णप्रसाद पौडेलले बताए ।

विभाग प्रमुख तोक्ने विषयमा आज देउवाले पदाधिकारी र पूर्वपदाधिकारीसहित शीर्ष नेताहरुलाई बुढानीलकण्ठ बोलाएर छलफल गरेका थिए ।

महाधिवेशन भएको छ महिनाभित्र सभापति देउवाले विभागलाई पूर्णता दिनुपर्ने भए पनि ढिला गरी विभाग प्रमुख तोकेका हुन् । यसअघि सभापति देउवाले १७ विभाग प्रमुख तोकेका थिए । कांग्रेसमा ७० विभाग छ ।