मकवानपुर । राष्ट्रिय प्रजातन्त्र पार्टी (राप्रपा) का सांसद एवम् पूर्वाधार विकास समिति सभापति दिपकबहादुर सिंहले १ वर्षको तलब तिलगंगा सामु्दायिक आँखा अस्पताल हेटौंडालाई हस्तान्तरण गरेका छन् ।

अस्पतालमा आयोजित एक कार्यक्रमकाबीच सांसद सिंहले तिलगंगा सामुदायिक अस्पतालका कार्यकारी निर्देशक सन्दुक रुइतलाई ९ लाख ९९ सय हजार ९९ रुपैयाँको चेक हस्तान्तरण गरे ।

सांसद सिंहले आफूले पाउने एक वर्षको ६ लाख १२ हजार तलबमा ३ लाख ८७ हजार थप गरी अस्पताललाई प्रदान गरेका हुन् । निर्वाचनको समयमा नै जनताको करको पैसा आफूले नलिने तिलगंगा आँखा अस्पताललाई सहयोग गर्ने घोषणा गरेका सिंहले जनतालाई साक्षी राखेर गरेको बाचा पूरा भएको बताए ।

यस्तै, प्रतिष्ठानका कार्यकारी निर्देशक डा.रुइतले विपन्न र सीमान्तकृत समुदायका नागरिकको उपचार र हेटौंडा उपमहानगरपालिका वडा नम्वर-३, बसामाडीमा लेन्स उत्पादन गर्ने उद्देश्यले निर्माणाधीन भवनको लागि खर्च गर्ने बताए ।