काठमाडौं । दक्षिण अफ्रिकासँगको तीन खेलको टी–२० अन्तर्राष्ट्रिय क्रिकेट शृङ्खलाका लागि वेस्ट इन्डिजको टोली घोषणा भएको छ ।

दक्षिण अफ्रिकासँगको घरेलु शृङ्खलाका लागि क्रिकेट वेस्ट इन्डिजले रोभम्यान पावेलको कप्तानीमा १५ सदस्यीय टोली घोषणा गरेको हो । यो टोलीमा अनुभवी अलराउन्डर आन्द्रे रसेल र जेसन होल्डर छैनन् । तर एलिक अथान्जे र म्याथ्यु फोर्डेको सहभागिताले वेस्ट इन्डिज टोली बलियो देखिएको छ ।

वेस्ट इन्डिजले पछिल्लो पाँच वटा द्विपक्षीय टी–२० शृङ्खलामध्ये चार वटा जितेको छ । तर घरेलु मैदानमा भएको टी–२० विश्वकप २०२४ मा दक्षिण अफ्रिकासँग हारेपछि सेमिफाइनलमा पुग्न सकेको थिएन ।

वेस्ट इन्डिज र दक्षिण अफ्रिकाबीचको तीन खेलको टी–२० क्रिकेट शृङ्खला यही अगस्ट २४ तारिखदेखि शुरू हुनेछ । यसअघि भएको टेस्ट क्रिकेट शृङ्खला दक्षिण अफ्रिकाले जितेको थियो ।