काठमाडौं । २० वर्षमुनिको साफ च्याम्पियनशिप फुटबलमा बंगलादेशले श्रीलंकालाई हराएसँगै नेपाल एक खेलअघि नै सेमिफाइनलमा पुगेकाे छ ।

ललितपुरको सातदोबाटोमा रहेको एन्फा कम्प्लेक्सको मैदानमा आज भएको खेलमा बङ्गलादेशले श्रीलङ्कालाई २–० गाेलले हरायाे । याे जीतसँगै बंगलादेश पनि सेमिफाइनलमा पुगेकाे छ । श्रीलंका लगातार दुई खेल हार्दै समूह चरणबाटै प्रतियाेगिताबाट बाहिरिएकाे छ । समूह ‘ए’ काे अन्तिम खेलमा पर्सि बिहीवार नेपाल र बङ्गलादेश खेल्नेछन् । नेपालले पहिलाे खेलमा श्रीलङ्कालाई १–० गाेलले हराएकाे थियाे ।

प्रतियाेगितामा भाेलि समूह ‘बी’ का माल्दिभ्स र भुटान खेल्दैछन् । प्रतियोगिताको समूह ‘ए’ मा आयोजक नेपालसहित बङ्गलादेश र श्रीलङ्का तथा समूह ‘बी’ मा भारत, माल्दिभ्स र भुटान छन् ।