लन्डन। चेल्सी र आर्सनल बराबरीमा रोकिएका छन् । गएराती सम्पन्न इङलिश प्रिमियर लिग अन्तर्गतको खेलमा चेल्सी र आर्सनल १-१ गोलको बराबरीमा रोकिएका हुन् ।

यस खेलमा आर्सनलका गाब्रियल मार्टिनेलीले खेलको ६०औं मिनेटमा गोल गर्दै शुरुवाती अग्रता दिलाएका थिए भने चेल्सीले खेलको ७०औ मिनेटमा पेड्रो नेटोको गोलमा बराबरी गरेको थियो ।

यो बराबरीपछि चेल्सी लिगको तेस्रो स्थानमा उक्लिएको छ । चेल्सीको ११ खेलमा १९ अंक रहेको छ । त्यस्तै १९ अंकनै रहेको आर्सनल गोल अन्तरका आधारमा चौथो स्थानमा रहेको छ ।

लेस्टरमाथि म्यानचेस्टर युनाइटेडको शानदार जित

म्यानचेस्टर युनाइटेडले इङलिश प्रिमियर लिग अन्तर्गत लेस्टर सिटीलाई पराजित गरेको छ । गएराती सम्पन्न खेलमा म्यानचेस्टर युनाइटेडले लेस्टर सिटीलाई ३-० गोल अन्तरले पराजित गरेको हो ।

म्यानचेस्टर युनाइटेडको जितमा ब्रुनो फर्नानडेज र अलेज्नाद्रो गार्नाचोले एक एक गोल गरेका थिए भने एक गोल लेस्टरका भिक्टर क्रिस्टियनसेनले आत्मघाती गोल गरेका थिए ।

यो म्यानचेस्टर युनाइटेडको यस सिजनमा चौथो जित हो । ११ खेलमा १५ अंक हासिल गरेको म्यानचेस्टर युनाइटेड लिगको १३औ स्थानमा रहेको छ ।

त्यस्तै लेस्टर सिटीको भने ११ खेलमा १० अंक रहेको छ र लिगमा १५औ स्थानमा छ ।