धरान । प्रधानमन्त्री तथा कुलपति केपी शर्मा ओलीले विपी कोइराला स्वास्थ्य विज्ञान प्रतिष्ठान, धरानका ६५७ विद्यार्थीलाई दीक्षित गरेका छन् ।

प्रतिष्ठानका सन् २०१० देखि २०१७ व्याचका एमबिबिएस, बिडिएस, एमडी, एमएस, एमडिएस, डिएम, एमसिएच बिएससी नर्सिङ र २०१२ देखि २०१८ सम्मका एएससी नर्सिङ, बिएमएलटी, बिएमआइटी, एपिएस र पिएडी उपाधि हासिल गरिसकेका विद्यार्थी कुलपति ओलीबाट दीक्षित भएका हुन् ।

भारतका शिक्षाविद् प्राडा. ज्योतिर्मोय पलँ प्रमुख अतिथि रहेका कार्यक्रममा सहकुलपति एवं स्वास्थ्य तथा जनसङ्ख्यामन्त्री प्रदीप पौडेललगायत सहभागी थिए । कार्यक्रममा प्रतिष्ठानले प्रदान गर्दैआएको विभिन्न पुरस्कार उत्कृष्ट विद्यार्थीलाई वितरण गरिएको छ ।