काठमाडाैं । हरिबोधिनी (ठूलो एकादशी) पर्वको अवसरमा काठमाडाैंको बूढानीलकण्ठस्थित नारायणस्थानमा भक्तजनको ठूलो भिड लागको छ । खासमा आजका दिन काठमाडौं उपत्यकाका चार नारायण, भक्तपुरको चाँगुनारायण, ललितपुरको विशङ्खुनारायण, काठमाडौ‌का शेषनारायण र इचँगुनारायण स्थानमा विशेष मेला लाग्दछ ।

यी ठाउँहरूमा जान नसक्नेले बूढानीलकण्ठस्थित नारायणस्थानको दर्शन गर्दा चार नारायणको दर्शन र पूजा गरे बराबरको फल पाइने धार्मिक विश्वास छ । त्यही भएर पनि नारायणस्थानमा भक्तजनको घुइँचो लागेको हो ।