सुर्खेत । सुर्खेतको देउतीबज्यै मन्दिरकी पुजारी मृत फेला परेकी छन् । ५० वर्षीया पुजारी सरस्वती राजी मन्दिरको मुलढोकामा बुधबार बिहान झुण्डिएको अवस्थामा मृत फेला परेकी हुन् ।

५० वर्षीया पुजारी सरस्वती वीरेन्द्रनगर नगरपालिका–११ की स्थायी बासिँदा हुन् । बिहान पुजारी मृत फेला परेको जानकारी स्थानीयले दिएका थिए । त्यसपछि प्रहरी टोली पुगेर मुचुल्का उठाएको थियो ।

मृतकको शव पोष्टमार्टमका लागि प्रदेश अस्पताल पठाइएको छ । घटनाबारे थप विवरण आउन बाँकी छ । अहिले मन्दिरमा पूजा रोकिएको छ ।