दैलेख । दैलेखको महावु गाउँपालिकाको अध्यक्षका लागि हुन लागेको उपनिर्वाचनका लागि नेपाली कांग्रेसका झलक भण्डारीले मनोनयन दर्ता गराएका छन् ।

उनले आफ्ना समर्थक र शुभेच्छुकहरुसँग निर्वाचन कार्यालय गैडाबाजमा पुगेर मनोनयन दर्ता गराएका हुन् ।

०७९ को स्थानीय तहको निर्वाचनमा निर्वाचित कांग्रेसका लछुमन गुरुङको हृदयाघातका कारण निधन भएपछि यहाँ उपनिर्वाचन हुन लागेको हो । यहाँ रास्वपा, एमाले, माओवादी र समाजवादीले पनि उम्मेदवारी दर्ता गर्ने तयारीमा छन् ।

कर्णालीका ७ वटा स्थानीय तहमा हुन लागेको उपनिर्वाचनमध्ये अध्यक्षका लागि हुन लागेको महावुको चुनावी प्रतिस्पर्धालाई दलहरूले प्रतिष्ठाको विषय बनाएका छन् ।