काठमाडौं । नेपाल प्रिमियर लिग (एनपीएल) खेल्न न्युजिल्याण्डका क्रिकेटर मार्टिन गुप्टिल नेपाल आइपुगेका छन् । विराटनगर किंग्सबाट एनपीएल खेल्न गुप्टिल बिहीबार दिउँसो काठमाडौं आइपुगेका हुन् ।

गुप्टिललाई त्रिभुवन अन्तर्राष्ट्रिय विमानस्थलमा विराटनगर किङ्ग्सका पदाधिकारीहरूले स्वागत गरेका थिए । न्युजिल्याण्डका ३८ वर्षीय ओपनर ब्याटर गुप्टिलसँग आईपीएलमा किंग्स एलाभेन पञ्जाव, मुम्बई इन्डियन्स र सनराइजर्स हैदराबाजबाट खेलेको अनुभव छ ।

गुप्टिलले न्युजिल्याण्डबाट १२२ टी-२० आई खेलमा ३ हजार ५३१ रन जोडेका छन् । यस्तै १९८ ओडीआई म्याचमा गुप्टिलले ७ हजार ३४६ रन जोडेका छन् । यसैगरी, ४७ टेस्ट म्याचमा गुप्टिलले २ हजार ५८६ रन बनाउँदा ३४७ टी-२० म्याचमा ९ हजार ७०७ रन जोडेका छन् ।