जाजरकोट । मध्यपहाडी लोकमार्गअन्तर्गत जाजरकोटमा भएको जिप दुर्घटनामा दुई जनाको मृत्यु भएको छ । कार्कीगाँउबाट कुदुतर्फ जाँदै गरेको कर्णाली प्रदेश ३०१०२ च ४७१९ नम्बरको बोलेरो जिप बुधबार राति दुर्घटनामा परेको जाजरकोट प्रहरीले जनाएको छ ।

मृत्यु हुनेमा कैलालीका २५ वर्षीय मनोज केसी र जुम्लाका २३ वर्षीय मिथुन हमाल रहेको जाजरकोट प्रहरीका सूचना अधिकारी प्रहरी निरीक्षक दिनेश तिमिल्सिेनाले जानकारी दिए ।

उनीहरु स्याली बजारमा मध्यपहाडी लोकमार्ग स्तरोन्नतिको काममा संलग्न मजदुर रहेको प्रहरीको भनाइ छ । दुर्घटनाम घोराही उपमहानगरपालिका–८ दाङका कमल चौधरी घाइते भएका छन् । गम्भीर घाइते उनलाई थप उपचारका लागि नेपालगञ्ज पठाइएको छ ।