काठमाडौं । नेकपा माओवादी केन्द्रको स्थायी समिति बैठक अन्तिम समयमा स्थगन भएको छ ।

अध्यक्ष पुष्पकमल दाहाल प्रचण्डको कार्यब्यस्तताका कारण आज दिउँसो ३ बजेका लागि  बोलाइएको बैठक अन्तिम समयमा स्थगन भएको हो । अब बैठक भोली बस्नेछ । 

गृह जिल्ला चितवन र धादिङका बिभिन्न कार्यक्रममा ब्यस्त भए पछि आजको बैठक स्थगित गरिएको जनाइएको छ । 

गत मंसिर १६ गते सम्पन्न स्थानीय तहको उपनिर्वाचन, बिआरआइ सम्झौंता, केन्द्रीय समिति बैठक र समसामयिक राजनीतिक विषयमा छलफल गर्न आज बैठक बोलाइएको थियो ।

सो बैठकले पूर्वराष्ट्रपति नन्दकिशोर पुन पासाङ र पूर्व प्रदेश प्रमुख अमिक शेरचनलाई फेरि राजनीतिमै सक्रिय बनाएर पदाधिकारी बनाउने निर्णय गर्ने आंकलन गरिएको छ ।