भक्तपुर । भक्तपुर नगरपालिका वडा नं २ सहिद स्मृति खेल मैदान नजिकै बुबाको चक्कु प्रहारबाट छोराको मृत्यु भएको छ ।

अछाम कमलबजार नगरपालिका वडा नं ६ हात्तिबाच घर भई हाल सोही स्थान बस्ने वर्ष ३१ का नरेन्द्रबहादुर शाहीलाई घरायसी विवादका क्रममा बुबा वर्ष ६३ का दिपबहादुर शाहीले तरकारी काट्ने चक्कु प्रहार गरेका थिए ।

चक्कु प्रहारबाट गम्भीर घाइते भएका शाहीलाई उपचारको लागि भक्तपुर अस्पताल लगिएकोमा मंगलबार राति मृत्यु भएको जिल्ला प्रहरी परिसर भक्तपुरले जनाएको छ । शव पोष्मार्टमका लागि काठमाण्डौ मेडिकल कलेज दुवाकोट लगिएको छ ।

मृतकका बुबा दिपबहादुर शाहिलाई प्रहरीले नियन्त्रणमा लिएर घटनाको थप अनुसन्धान गरिरहेको परिसरका सूचना अधिकारी प्रहरी नायव उपरिक्षक ढुण्डीराज नेउपाने बताए ।