काठमाडौं । नेपाल प्रिमियर लिग (एनपिएल) को दोसो क्वालिफायर खेलमा अहिले कर्णाली याक्स र जनकपुर बोल्ट्सबिच प्रतिस्पर्धा हँदैछ ।

कीर्तिपुस्थित त्रिवि क्रिकेट मैदानमा आसिफ शेखको कप्तानीमा रहेको जनकपुरले टस जितेर पहिले फिल्डिङ गर्ने निर्णय गरेको छ । यस्तै सोमपाल कामीको कप्तानीमा रहेको कर्णाली याक्सले पहिला ब्याटिङ गर्दैछ ।

फाइनल प्रवेशका लागि यस खेल निकै महत्वपूर्ण रहेको छ । पहिलो क्वालिफायरमा सुदूरपश्चिम रोयल्ससँग आठ विकेटले पराजित भएको जनकपुरले फाइनल प्रवेशका लागि पाएको यो दोस्रो अवसर हो ।

सुदूरपश्चिमले फाइनलमा स्थान बनाईसकेको छ । यता कर्णालीले बुधबार एलिमिनेटर खेलमा चितवन राइनोजलाई २१ रनले हराउँदै दोस्रो क्वालिफायरमा स्थान बनाएको हो ।

यस खेलको विजेताले शनिबार फाइनलमा सुदूरपश्चिमसँग खेल्नेछ । पराजित टोली तेस्रो बन्दै बाहिरिनेछ । यसअघि लिगचरणको खेलमा कर्णाली जनकपुरसँग आठ विकेटले पराजित भएको थियो ।