काठमाडौं । नेपाललाई हराउँदै बंगलादेश यु–१९ एशिया कप क्रिकेटकाे फाइनलमा पुगेकाे छ । आज भएकाे ‘सुपर–फाेर’ काे खेलमा बंगलादेशले नेपाललाई ९ विकेटले हरायाे ।

नेपालले दिएकाे ५५ रनकाे मध्यम लक्ष्य बंगलादेशले ९ ओभर ५ बलमा १ विकेट गुमाएर भेटायाे । बंगलादेशकी फहाेमिदा चाेयाले नटआउट २६ रन बनाइन् । नेपालकी कुसुम गाेदारले १ विकेट लिइन् ।

यसअघि मलेसियाको क्वालालम्पुरमा रहेको बायोमास ओभलमा टस हारेर ब्याटिङ गरेकाे नेपालले ११ ओभरमा ८ विकेट गुमाएर ५४ रन बनायाे । नेपालकी सावित्री धामीले ११, कप्तान पूजा महतो ९, एलिशा यादवले ८ रन बनाइन् । नेपालका चार जना खेलाडी रन आउट भए । बंगलादेशकी फर्जना इम्सिन, अनिसा अख्तेर, फहाेमिदा चाेया र हबिबा इस्लामले १/१ विकेट लिए । वर्षाले खेल प्रभावित भएपछि खेल ११ ओभरमा झारिएकाे थियाे ।

बंगलादेश ‘सुपर–फाेर’ मा ७ दाेस्राे स्थानमा रहेर फाइलनमा पुगेकाे हाे । अब बंगलादेशले उपाधिका लागि फाइनलमा भारतसँग खेल्नेछ । आज बिहान भएकाे ‘सुपर–फाेर’ काे खेलमा श्रीलङ्कालाई हराउँदै भारत शीर्ष स्थानमा रहेर फाइनलमा पुगेकाे हाे । फाइनल खेल पर्सि आइतवार हुनेछ ।