काठमाडौं । सरकारले विशेष आर्थिक क्षेत्र (सेज)को कार्यकारी निर्देशकमा छत्र बहादुर कटुवाल नियुक्त गरेकाे छ । मंगलबार सिंहदरवारमा बसेको मन्त्रिपरिषद्को बैठकले कटवाललाई कार्यकारी निर्देशकमा नियुक्त गर्ने निर्णय गरेको हाे ।

याेसँगै सरकारले मन्त्रिपरिषद् बैठकले गरेकाे २० निर्णय सार्वजनिक गरेको छ । बुधबार सरकारका प्रवक्ता एवम् सञ्चार तथा सूचना प्रविधिमन्त्री पृथ्वीसुब्बा गुरुङले पत्रकार सम्मेलन गर्दै पुस १६ गते बसेको मन्त्रिपरिषद् बैठकका निर्णय सार्वजनिक गरेका हुन् ।