काठमाडौं । नेपाली कांग्रेसका सभापति शेरबहादुर देउवा र राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनबीच भेटवार्ता भएको छ ।

लिङ्देनले देउवानिवास बूढानीलकण्ठ गएर सभापति देउवासँग भेटवार्ता गरेका हुन् । मंगलबार दिउँसो दुई नेताबीच भेटवार्ता भएको राप्रपाका प्रचार विभाग प्रमुख एवं प्रवक्ता मोहन श्रेष्ठले जानकारी दिए ।

उनीहरूबीच समसामयिक राजनीतिक परिस्थितिबारे कुराकानी भएकाे बताइएकाे छ ।